សាលាចំណេះទូទៅ ប៉ិ វណ្ណា

  ដើម្បីបំពេញឲ្យបាននូវ គោលដៅខាងលើនេះ សាលាចំណេះទូទៅ ប៉ិ វណ្ណា មានបេសកម្មធ្វើការ សហការជាមួយស្ថាបនដែល ពាក់ព័ន្ធផ្នែកអប់រំ ក្រៅប្រព័ន្ធ និងក្នុងប្រព័ន្ធ ដើម្បីធ្វើយ៉ាងណា ពង្រឹងឲ្យបាននូវ សមត្ថភាព គុណភាពយ៉ាងពិតប្រាកដ ស្របទៅតាមគោលនយោបាយ យុទ្ធសាស្រ្តរបស់ សាលា “ចរន្តពីរយ៉ាង នៃការអប់រំគឺគុណភាពនៃ ការសិក្សា និងបណ្តុះពុទ្ធិពិតដល់សិស្ស ឲ្យយល់ដឹងពីគុណធម៌នៃការរស់នៅក្នុង សង្គម” ។

  នៅក្នុងគោលបំណងបង្កើតសាលាចំណេះទូទៅ ប៉ិ វណ្ណានេះឡើង ដឺលបង្រៀន ពីថ្នាក់មត្តេយ្យ ដល់ ថ្នាក់ទី ១២ ភាសាបរទេស និងកុំព្យូទ័រគ្រប់ជំនាញ គឺៈ ចូលរួមបណ្តុំបណ្តាលធនធានមនុស្សប្រកបដោយ សមត្ថភាព ដើម្បីចូលរួមចំណែកអភិវឌ្ឍប្រទេស ជាតិ និងកាត់បន្ថយភាពក្រីក្រ ស្របតាមគោលនយោបាយ របស់ រាជរដ្ឋាភិបាល ។ បណ្តុះពុទ្ធិពិតដល់ សិស្សនិស្សិតឲ្យមានសមត្ថភាព មានសុខភាពផ្លូវកាយ ផ្លូវចិត្ត ផ្លូវបញ្ញា និងបង្រៀន ឲ្យមានគុណធម៌ល្អ ដែលពិតជាទំពាំងស្នងឬស្សីនាពេលអនាគត របស់ប្រទេសជាតិ ។ បណ្តុះចំណេះដឹង ជំរុញនិងពង្រឹងបន្ថៃមនូវបំនិនអាជីពផ្នែកភាសាអង់គ្លេស និងជំនាញកុំព្យូទ័រអំពី របៀបនៃការប្រើប្រាស់ ប្រព័ន្ធបច្ចេកវិទ្យាថ្មីៗនាយុគ្គសម័យថ្មីទំនើប ។ បណ្តុះឥរិយាបថថ្លៃថ្នូរ ទន់ភ្លន់ សុភាពរាបសាមានអធ្យាស្រ័យល្អ នឹងគ្នាទៅវិញទៅមក ជំរុញឲ្យមាន ការលើកទឹកចិត្ត និងសំរបសំរួលការអភិវឌ្ឍក្រមសីលធម៌ ដល់សិស្សនិស្សិត និងបុគ្គលិក ។ ជំរុញឲ្យសិស្សមាន ការខិតខំរៀនសូត្រ ដើម្បីទទួលបាននូវភាពជោគជ័យ និងសំរេចបាននូវសេចក្តី ប៉ងប្រាថ្នាដ៏ខ្ពស់នាពេល អនាគត ។ បណ្តុះបណ្តាលនូវជំនាញវិជ្ជាជីវៈដល់សិស្ស ដើម្បីចូលរួមចំណែកក្នុងការ កាត់បន្ថយភាពក្រីក្រនៅ ក្នុងសង្គមទាំងមូល បង្កើននូវសេដ្ឋកិច្ចគ្រួសារ ។

  នៅឆ្នាំ ១៩៩៩ ដល់ឆ្នាំ ២០០០ គឺសាលាប៉ិ វណ្ណា មានមួយបន្ទប់ បង្រៀនដោយសាស្រ្តចារ្យ ប៉ិ វណ្ណា ចំនួន ១១​ ម៉ោងក្នុងមួយថ្ងៃ នៅថ្ងៃទី ១០ ខែកកដ្តា​ ឆ្នាំ ២០០៦ សាលា ប៉ិ វណ្ណា បានក្លាយទៅជាសាលា ភាសាបរទេស ប៉ិ វណ្ណា មាន មួយអាគារ មានចំនួន ១២ ដោយមានកំណើនសិស្សកើនឡើងឥតឈប់ឈរ​ និងមានជំនឿទុកចិត្តខ្ពស់ពីសំណាក់មាតា​ បិតា ឬ អាណាព្យាបាលសិស្សដែលបានបញ្ជូនកូនឲ្យមករៀន សាលាបានកសាងអាគារជាបន្តបន្ទាប់មាន ចំនួន០៦អាគារ មានចំនួន៥១បន្ទប់ និងនៅឆ្នាំ២០១០ សាលាភាសាបរទេស ប៉ិ វណ្ណាបាន​ក្លាយទៅជាសាលាចំនេះទូទៅ​ ប៉ិ​ វណ្ណា ដែលមាន​ចំនួន៩៧បន្ទប់ ដែលទទួលដោយក្រសួងអប់រំយុវជននិងកីឡាតាមប្រកាសលេខ ២៨៤០អយកប្រក ចុះថ្ងៃទី២០​​ ខែតុលា ឆ្នាំ២០១០ និងអនុញ្ញាតិឲ្យបើកបង្រៀនចាប់ពីថ្នាក់មត្តេយ្យសិក្សាដល់ថ្នាក់ទី១២ ភាសាបរទេសនិងកុំព្យូទ័រគ្រប់ ជំនាញ ។ លោកនាយកសាលាចំណេះទូទៅ ប៉ិ វណ្ណា គឺលោកប៉ិ វណ្ណា គឺជាម្ចាស់ដើមទុនផ្ទាល់ ដោយចាប់ផ្ដើមពី ការបង្រៀនដោយខ្លួនឯង​ពីឆ្នាំ ១៩៩០ ។ ដោយសារតំរូវការទីផ្សានាពេលបច្ចុប្បន្នកំពុងតែ រីកដុះដាយលើវិស័យ អបើរំក្រៅប្រពន្ឋ និង ក្នុងប្រពន្ឋ និងមានការគាំទ្រផ្តល់ប្រឹក្សាលើកទឹកចិត្តពីមិត្តភ័ក្រ្តក្រុមគ្រួសារ ពិសេសពីមាតាបីតាអាណាព្យាបាលសិស្សឲ្យលោកសាស្រ្តចារ្យ ប៉ិ វណ្ណា ធ្វើការសំរេចចិត្ត បង្កើតសាលាចំណេះ ទូទៅ ប៉ិ វណ្ណា នេះឡើង ដែលហៅកាត់ថា PVA ក្នុងគំនិតនៃការបង្កើតសាលានេះ លោកសាស្រ្តចារ្យប៉ិ វណ្ណា បានកំណត់យកគោលនយោបាយយុទ្ឋសាស្រ្តៈ “ចរន្តពីរយ៉ាងនៃការអប់រំគឺ គុណភាពនៃកាសិក្សា និងបណ្តុះពុទ្ឋិពិតដល់សិស្សនិសិ្សត ឲ្យយល់ដឹងពីគុណធម៌នៃការរស់នៅក្នុងសង្គម ” ។